Pivə əslində yararlı içki imiş - SƏBƏB
Qastroenteroloq və dietoloq Aleksandra Noyev bildirib ki, alkoqolsuz pivənin tərkibində faydalı maddələr var, lakin sui-istifadə edildikdə sağlamlığa zərər verə bilər.
Ajans.az xəbər verir ki, o, bu barədə Lenta.ru ilə müsahibəsində danışıb.
Həkimin sözlərinə görə, yüksək keyfiyyətli, təbii, spirtsiz arpa pivəsinin tərkibində kalium, maqnezium və silikon var. İçkinin tərkibində az miqdarda B vitaminləri də var. Lakin həkim onu da qeyd edib ki, alkoqolsuz pivə dərinin və saçın vəziyyətini yaxşılaşdıra və ya sinir sistemini sakitləşdirə bilməz.
Noev əlavə edib ki, hətta alkoqolsuz pivə içən zaman mədə şirəsinin istehsalı artır ki, bu da eroziya və mədə xorasına səbəb ola bilər, həmçinin mədə-bağırsaq traktının xroniki xəstəliklərinə səbəb ola bilər. Amma düzgün və az miqdarda içilsə, orqanizmə faydası var.
