Suriyada İŞİD lideri ÖLDÜRÜLDÜ

ABŞ Mərkəzi Komandanlığı (CENTCOM) Suriyada həyata keçirilən hava əməliyyatı nəticəsində İŞİD terror təşkilatının yüksək rütbəli liderlərindən birinin öldürüldüyünü açıqlayıb.

Ajans.az xəbər verir ki, Suriyanın şimal-qərbində keçirilən dəqiq aviazərbə zamanı İŞİD-in rəhbər şəxslərindən olan Əli Hüseyn əl-Ulayvi zərərsizləşdirilib.

CENTCOM bildirib ki, əməliyyat ABŞ vətəndaşlarına, eləcə də ölkə hüdudlarından kənardakı Amerika maraqlarına qarşı təhlükə yaradan terrorçuların aşkarlanması və məhv edilməsi istiqamətində aparılan fəaliyyətin tərkib hissəsidir.