Rusiyada məşhur muzeyə HÜCUM

Ukrayna Silahlı Qüvvələri qəhrəman şəhərin əsas simvollarından biri hesab olunan "Sevastopolun Müdafiəsi 1854–1855" Panorama Muzeyinə təyyarə tipli pilotsuz uçuş aparatı ilə zərbə endirib.Hadisə nəticəsində 4-cü dərəcəli yanğın baş verib.

Ajans.az xəbər verir ki, bu barədə Sevastopolun qubernatoru Mixail Razvozjayev məlumat verib. Onun sözlərinə görə, hazırda yanğının vurduğu ziyanın həcmi müəyyənləşdirilir. Hadisə yerinə 83 nəfər şəxsi heyət və 22 texnika cəlb olunub.

Yanğının söndürülməsi və ərazidə təhlükəsizlik tədbirlərinin görülməsi istiqamətində işlər davam etdirilir.