Zelenskidən ŞOK XƏBƏRDARLIQ

Yaxın Şərqdə, xüsusən də İran ətrafında baş verən hərbi münaqişələr Ukraynanın qış mövsümünə hazırlıq prosesinə mənfi təsir edərək enerji təhlükələrini daha da artırıb.

Ajans.az xəbər verir ki, bu fikirləri Ukrayna Prezidenti Volodimir Zelenski İtaliya hökumətinin rəhbəri Corcia Meloni ilə birgə təşkil olunmuş mətbuat konfransı zamanı səsləndirib.

"İran ərazisindəki toqquşmaların fəsadlarını duymayan heç bir dövlət qalmayıb. Bütün dünyada yaşayış xərcləri çoxalır və bu, hər kəsə təsir edir. Enerji ilə bağlı risklər yüksəlməkdədir. Sözsüz ki, bu hal sosial durumu ağırlaşdırır və gələcək qış aylarına hazırlıq işlərini çətinləşdirir", - deyə V.Zelenski vurğulayıb.