"Qalatasaray" və "Samsunspor" matçı təxirə salındı

Türkiyə Futbol Federasiyası (TFF) qitəmiqyaslı turnirlərdə ölkəni təmsil edən "Qalatasaray" və "Samsunspor" klublarının ölkə çempionatındakı oyunlarını təxirə salıb.

Ajans.az-ın məlumatına görə, Superliqanın 27-ci turu çərçivəsində 17, 18 və ya 19 mart tarixlərində keçiriləcək planlaşdırılan "Göztəpə" – "Qalatasaray" və "Çaykur Rizespor" – "Samsunspor" qarşılaşmaları daha sonrakı tarixə keçirilib.

Qeyd edək ki, "Qalatasaray" Çempionlar Liqasının 1/8 final mərhələsində "Liverpul"la ilk oyununu martın 10-u və ya 11-də İstanbulda, cavab matçını isə 17 və ya 18-də səfərdə oynayacaq.