İndoneziyada VULKAN PÜSKÜRDÜ

Şərqi Yava əyalətində Semeru dağında yeni vulkan püskürməsi baş verib.

Ajans.az Antara xəbər agentliyinə istinadən xəbər verir ki, vulkanın kraterindən qalxan kül buludu 3 kilometr hündürlüyə çatıb və dəniz səviyyəsindən ümumi hündürlüyü 6 676 metr təşkil edib. Kül buludu yüksək sürətlə cənub-şərq istiqamətinə yayılıb.

İndoneziya Vulkanologiya və Fəlakətlərin Azaldılması Mərkəzi bölgə sakinlərini və turistləri ehtiyatlı olmağa, həmçinin isti lava və püskürmə riskinə görə kraterdən ən azı 5 kilometr uzaqda durmağa çağırıb.

Qeyd edək ki, Semeru dağı İndoneziyada dəniz səviyyəsindən 3 676 metr yüksəklikdə yerləşir, ölkənin dördüncü ən yüksək vulkanı və Yava adasının ən yüksək zirvəsidir.