Aleksandr Dugindən PUTİNƏ ÇAĞIRIŞ

Rusiya Prezidenti Vladimir Putin təcili sərhədləri bağlamalı və milyonluq ordu toplamalıdır.

Ajans.az xəbər verir ki, bunu Kremlin ideoloqu kimi tanınan, rusiyalı filosof Aleksandr Dugin deyib.

“Bu ilin rus ili olub-olmayacağını, qələbəyə doğru gedib-getməyəcəyimizi qarşıdakı aylar müəyyən edəcək. Və ya Rusiya məhv olacaq. Tez-tez çağırış etdiyim tam səfərbərliyin vaxtı gəldi. Ordu qarşıdakı aylarda bir milyon nəfərə çatdırılmalıdır. Bunu Prezident Putindən xahiş etmişəm. Əminəm ki, xahişim eşidiləcək”, - Dugin bildirib.