Tramp sürpriz açıqlama edəcək

ABŞ Prezidenti Donald Tramp bu gün yerli vaxtla saat 14:00-da (Bakı vaxtı ilə 23:00) Oval Ofisdə jurnalistlər üçün açıqlama verəcək.

Ajans.az xəbər verir ki,bu barədə Ağ Ev tərəfindən yayımlanan prezidentin rəsmi cədvəlində məlumat yer alıb.

Cədvəldə bildirilib ki, dövlət başçısı mövzusu əvvəlcədən açıqlanmayan bir bəyanatla çıxış edəcək. Açıqlamanın məzmunu barədə heç bir detal paylaşılmayıb, bu da Ağ Evdə yüksək hazırlıq vəziyyətinin yaranmasına səbəb olub.

Bundan əvvəl Tramp yerli vaxtla saat 11:30-da (Bakı vaxtı ilə 20:30) kabinet üzvləri ilə daha bir iclas keçirəcək.