Tramp Cənubi Afrikanı tənqid etdi

ABŞ Prezidenti Donald Tramp Cənubi Afrikada keçirilən G20 sammitində iştirak etmədiyini açıqlayıb.

Ajans.az xəbər verir ki,Tramp sosial mediada paylaşdığı açıqlamada bildirib ki, ABŞ bu addımı Cənubi Afrika hökumətinin Afrikanerlər və digər Avropa köçkünlərinin nəsillərinin qarşılaşdığı insan haqları pozuntularını etiraf etməkdən və həll etməkdən imtina etməsi səbəbindən atıb.

Trampın sözlərinə görə, hökumət ağdərili fermerlərin öldürülməsinə və torpaqlarının əlindən alınmasına icazə verir. O həmçinin media və beynəlxalq təşkilatların bu məsələyə laqeyd yanaşmasını tənqid edib.

ABŞ prezidenti əlavə edib ki, Cənubi Afrika G20 sədrliyini bağlanış mərasimində ABŞ səfirliyinin yüksək vəzifəli nümayəndəsinə təhvil verməkdən imtina edib. Buna görə də, Trampın göstərişi ilə Cənubi Afrika 2026-cı ildə Mayamidə keçiriləcək G20 sammitinə dəvət olunmayacaq. O həmçinin bildirib ki, ABŞ hökuməti dərhal bütün ödənişləri və subsidiyaları dayandırır.