Aİ: İstənilən sülh planında Ukrayna və Avropa iştirak etməldir

Brüsseldə Aİ xarici işlər nazirlərinin görüşünə gələn Aİ xarici siyasət rəhbəri Kaja Kallas jurnalistlərə bildirib ki, avropalılar həmişə "uzunmüddətli və ədalətli sülhü" dəstəkləyiblər.

Ajans.az bu barədə Al-Jazeera kanalına istinadən xəbər verir. 

Məlumata görə o, bildirib: "Biz sülhə nail olmaq üçün hər hansı səyləri alqışlayırıq."

O əlavə edib: "Əlbəttə ki, istənilən planın işə yaraması üçün isə ukraynalıların və avropalıların iştirakı lazımdır".

Almaniya, İspaniya və Polşadan olan digər yüksək vəzifəli diplomatlar Kallasın fikrini təkrarlayıblar. Polşa xarici işlər naziri Radoslav Sikorski bildirib ki, təhlükəsizliyi "təhlükədə" olan Avropa hər hansı potensial razılaşma ilə bağlı məsləhətləşmələr gözləyir.

"Ümid edirəm ki, özünü müdafiə etmək qabiliyyətinə məhdudiyyətlər qoyulan qurban deyil, təcavüzkardır", o deyib.

Lakin Rusiya danışıqlar ideyasını rədd edərək, Ukrayna ilə razılaşmanın münaqişənin kök səbəblərini aradan qaldırmalı olduğunu və Vaşinqtonla belə bir plan üzrə heç bir danışıqların aparılmadığını bildirib.

Avropa ölkələri müharibənin onların sərhədlərinə də yayıla biləcəyindən getdikcə daha çox narahatdırlar.