Alman generalı: Rusiya istənilən vaxt NATO-ya hücum edə bilər

Rusiyanın istənilən vaxt NATO ərazisinə məhdud hücum etmək imkanı var, lakin onun hərəkət etmək qərarı Qərb müttəfiqlərinin mövqeyindən asılı olacaq.

Ajans.az Reuters agentliyinə istinadən xəbər verir ki, bu barədə Almaniyanın yüksək vəzifəli hərbi rəsmisi xəbərdarlıq edib.

"Rusiyanın hazırkı imkanlarına və döyüş gücünə baxsanız, Rusiya sabah NATO ərazisinə kiçikmiqyaslı hücuma başlaya bilər", - deyə general-leytenant Aleksandr Solfrank Reuters agentliyinə verdiyi müsahibədə bildirib.

Almaniyanın birgə əməliyyatlar komandanlığına rəhbərlik edən və müdafiə planlaşdırmasına nəzarət edən Solfrank, həmçinin, Rusiyanın silahlanma səyləri davam edərsə, 2029-cu ildə Rusiyanın 32 üzvlü alyansa potensial olaraq genişmiqyaslı hücum edə biləcəyi barədə NATO-nun xəbərdarlıqlarını təkrarlayıb.

Qeyd edək ki, Prezident Vladimir Putin təcavüzkar niyyətləri rədd edərək bildirib ki, Moskvanın 2022-ci ildə Ukraynaya tammiqyaslı hücumu NATO-nun Rusiyaya qarşı öz ekspansionist ambisiyalarına qarşı müdafiə idi.

Berlinin şimalındakı geniş kazarmada yerləşən qərargahında çıxış edən Sollfrank bildirib ki, Ukraynadakı uğursuzluqlara baxmayaraq, Rusiyanın hava qüvvələri əhəmiyyətli döyüş gücünü saxlayır və nüvə və raket qüvvələri təsirlənməyib.

O, bildirib ki, Qara Dəniz Donanması əhəmiyyətli itkilər versə də, digər Rusiya donanmalarının sayı azaldılmayıb.

"Quru qüvvələri itkilərlə üzləşir, lakin Rusiya ümumi qoşun sayını 1,5 milyon əsgərə çatdırmağı hədəflədiyini bildirir. Və Rusiyanın hətta sabah məhdud hücumu mümkün etmək üçün kifayət qədər əsas döyüş tankı var", - deyə Solfrank əlavə edib və hazırda belə bir hücum planlaşdırıldığını demədi.