Zərdabda qəzada ölən şəxs Vətən müharibəsi iştirakçısı olub

Zərdab rayonunda baş verən yol-nəqliyyat hadisəsi nəticəsində həlak olan 37 yaşlı şəxs Vətən müharibəsi iştirakçısıdır.

Ajans.az xəbər verir ki, hadisə ötən gün Zərdab rayonunun ərazisində qeydə alınıb. “VAZ-21099” və “Range Rover” markalı avtomobillərin toqquşması nəticəsində “VAZ-21099”un sürücüsü, 1988-ci il təvəllüdlü Azər Cəlal oğlu Abdullayev hadisə yerində dünyasını dəyişib.

Məlumata görə, Azər Abdullayev 44 günlük Vətən müharibəsi zamanı müxtəlif istiqamətlərdə gedən döyüşlərdə iştirak edib.

Faktla bağlı araşdırma aparılır.