Güclü ZƏLZƏLƏ - Bu ölkədə

Rusiya Federasiyasının uzaq şərqində yerləşən Kamçatka yarımadasında zəlzələ qeydə alınıb.

Ajans.az Avropa-Aralıq dənizi Seysmoloji Mərkəzinə istinadən xəbər verir ki,yeraltı təkanların maqnitudası 4,8 bal təşkil edib.

Zəlzələ yerli vaxtla saat 16:18-də (Moskva vaxtı ilə 07:18) baş verib. Yeraltı təkanların episentri Petropavlovsk-Kamçatski şəhərindən 201 kilometr şimal-şərqdə, təxminən 25 kilometr dərinlikdə yerləşib.

Hazırda təbii fəlakətin nəticələri — dağıntılar və ya xəsarət alanlar barədə məlumat verilməyib.

Qeyd edək ki, Kamçatka seysmik cəhətdən aktiv bölgə sayılır və burada mütəmadi olaraq müxtəlif güclü zəlzələlər qeydə alınır.