Tramp narkotik daşıyan böyük sualtı qayığın məhv edildiyini açıqladı

ABŞ Prezidenti Donald Tramp ABŞ-yə doğru hərəkət edən narkotik daşıyan “böyük sualtı qayığın” məhv edildiyini açıqlayıb.

Ajans.az xəbər verir ki, o, bu barədə "TruthSocial" sosial media platformasında yazıb.

Ağ Ev rəhbəri qayəqda 4 nəfərin olduğunu, onlardan ikisinin sağ qaldığını və mühakimə olunmaq üçün Ekvador və Kolumbiyaya göndəriləcəyini bildirib.

“Mənim rəhbərliyim altında Amerika Birləşmiş Ştatları narkotik-terrorçuların quru və ya dəniz yolu ilə qeyri-qanuni narkotik vasitələrin daşınmasına dözməyəcək”, - Tramp yazıb.

Tramp administrasiyası hazırda Venesuela prezidenti Nikolas Maduronu ABŞ-da narkotik ticarəti və zorakılıqdan məsul olan iki böyük mütəşəkkil cinayətkar qrupun de-fakto başçısı kimi görür. Bu qruplar Günəş Karteli və Tren de Araquadır.