Zəlzələ baş verdi - - Bu ölkədə

Kamçatkada 5,3 bal gücündə zəlzələ qeydə alınıb.

Ajans.az xəbər verir ki,bu barədə Avro-Aralıq dənizi Seysmoloji Mərkəzi (EMSC) məlumat yayıb.

Məlumata əsasən, yeraltı təkanlar yerli vaxtla saat 08:57-də, 35 km dərinlikdə baş verib. Zəlzələnin episentri Kamçatka yarımadası ərazisində yerləşib.

Tələfat və dağıntılarla bağlı hələlik rəsmi məlumat verilməyib. Yerli hakimiyyət orqanları vəziyyəti nəzarətdə saxlayır və əhalini rəsmi mənbələri izləməyə çağırır.

Zəlzələ bölgədə qısamüddətli panikaya səbəb olsa da, hazırda ciddi təhdid olmadığı bildirilir.