Eurovision İsrailin iştirakı ilə bağlı səsverməni ləğv etdi

Avropa Yayım Birliyi (EBU) İsrail ilə HƏMAS arasında atəşkəsin qüvvədə olduğu bir vaxtda, İsrailin "Eurovision" mahnı müsabiqəsində iştirakı ilə bağlı keçirilməsi planlaşdırılan səsverməni dekabr ayına qədər təxirə salıb.

Ajans.az xəbər verir ki,təşkilatın qərarına əsasən, gələn il baş tutacaq müsabiqədə İsrailin iştirak edib-etməyəcəyi hələlik qeyri-müəyyən olaraq qalır. Noyabrda keçirilməsi nəzərdə tutulan iclasın ləğv edilməsi, bir neçə ölkənin İsrailin qatılacağı təqdirdə tədbiri boykot edəcəkləri ilə hədələməsi fonunda baş verib.

EBU qərarın elanında bildirib ki, səsvermənin təxirə salınması ilə bağlı qərar atəşkəsin davam edib-etməyəcəyinin aydınlaşmasından sonra yenidən nəzərdən keçiriləcək. Təşkilat müzakirələrin dekabr ayında davam etdiriləcəyini, lakin yekun qərar üçün dəqiq tarix müəyyən edilmədiyini vurğulayıb.

2026-cı ildə müsabiqəyə ev sahibliyi etməyə namizəd olan Avstriya bu qərarı müsbət qarşılayıb. Ölkənin rəsmi yayımçısı ORF, bu addımın "müsabiqənin birliyi və etibarlılığını qorumağa xidmət etdiyini" qeyd edib.

Qeyd edək ki, Eurovision mahnı müsabiqəsi son illərdə bir sıra siyasi və ictimai mübahisələrin mərkəzində olub. 2023-cü ilin oktyabrın 7-də baş verən HƏMAS hücumlarından sonra İsrail iki Eurovision tədbirində iştirak etsə də, bu çıxışlar geniş etiraz aksiyaları ilə müşayiət olunub.

Xüsusilə, 2014-cü ildə İsveçdə İsrailin iştirakına etiraz olaraq minlərlə insan nümayiş keçirmiş, 2024-cü ilin əvvəlində isə İsveçrənin Bazel şəhərində israilli ifaçı Yuval Rafaelin səhnə çıxışı etirazçılar tərəfindən pozulmağa cəhd olunmuşdu.

Hazırkı qərar Eurovision tarixində ən ciddi siyasi böhranlardan biri kimi qiymətləndirilir və müsabiqənin apolitik prinsiplərinə zidd olduğu yönündə geniş müzakirələrə səbəb olub.