Zelenski Ukraynanın Latviyadakı səfirini vəzifəsindən azad edib

Ukrayna Prezidenti Vladimir Zelenski Ukraynanın Latviyadakı fövqəladə və səlahiyyətli səfiri Anatoli Kutsevolu vəzifəsindən azad edib.

Ajans.az xəbər verir ki,bu barədə oktyabrın 7-də imzalanmış 752/2025 saylı prezident fərmanında qeyd olunub.

Anatoli Kutsevol 2022-ci ilin dekabrında Ukraynanın Latviyadakı səfiri təyin edilmişdi. Diplomat bu vəzifəyə qədər Ukrayna Nazirlər Kabinetinin dövlət katibinin müavini kimi fəaliyyət göstərib. Kutsevol səfir postuna 2023-cü ilin mayında faktiki olaraq başlamışdı.

Qeyd edək ki, 2025-ci ilin sentyabrında Latviyanın Ukraynadakı yeni səfiri Andreys Pildeqoviç Kiyevdə vəzifəsinin icrasına başlayıb. O, bu postda təxminən beş il xidmət göstərmiş İlqvars Klavunu əvəz edib.

Bundan əlavə, Prezident Zelenski Latviya və Bolqarıstana yeni səfirlərin təyin olunması barədə də qərar verib.