Türkiyədə Polis İdarəsinin rəhbəri bu səbədən HƏBS EDİLDİ

Dünya 08-09-2025 - 02:30

Daxili İşlər Nazirliyi tərəfindən vəzifəsindən uzaqlaşdırılan, daha sonra Antalya Respublika Baş Prokurorluğu tərəfindən “rüşvət almağa köməklik”, “ağır fırıldaqçılıq” və “haqsız əmlak əldə etmək” ittihamları ilə axtarılan Arslanın Antalyada təslim olduğu öyrənilib.

Ajans.az Haber7-ə istinadən xəbər verir ki, Antalya Baş Prokurorluğunun apardığı istintaq çərçivəsində Antalya Polis İdarəsindəki vəzifəsindən uzaqlaşdırılan və barəsində həbs-qətimkan tədbiri seçilən İlker Arslan təslim olub.

Polis bölməsindəki əməliyyatın ardından Arslan ədliyyəyə sövq edildi.

Antalya Baş Prokurorluğu da Antalya Böyükşəhər Bələdiyyəsi ilə bağlı apardığı “rüşvət” və “korrupsiya” istintaqı çərçivəsində Arslan haqqında həbs qərarı çıxarıb.

Ədliyyədəki qərardan sonra Arslan həbsxanaya göndərilib.

Bu arada, Arslanla birlikdə rüşvətə şərait yaratmaq iddiası ilə saxlanılan iş adamı F.A.-nın ifadələri yayılıb.

İş adamı F.A ifadəsində İlker Arslanla görüşdüyünü, onun sayəsində bələdiyyədə işinin asanlaşdığını, müavinətlərin vaxtında ödənildiyini, cərimələrin qaldırıldığını bildirib. O, bu müddət ərzində ümumilikdə 6 milyon 105 min türk lirəsi ödəniş etdiyinə dair ifadə verib. İş adamlarından 2024-cü il oktyabrın 11-də 1 milyon 871 min, 2025-ci il fevralın 10-da isə 2 milyon 000 min türk lirəsi tələb olunduğu da ifadədə qeyd edilib və Polis İdarəsi rəhbəri İlker Arslanın onlara ehtiyacı olduğu bildirilib.

Faylda yer alan ifadələrdə F.A-nın mütəmadi olaraq İl Polis rəisi İlker Arslanın evinə getdiyi və Arlanın evindəki təmirin F.A. ilə bələdiyyə tərəfindən aparıldığı iddia edilib.

Onu da qeyd edək ki, İlker ARSLAN İttihamları rədd edib. Nə özünün, nə də həyat yoldaşının rüşvət almadığını və həyat yoldaşına verilən ödənişlərin F.A.-nın şirkətində işləməsindən qaynaqlandığını iddia edib.

O, Maliyyə Cinayətlərini Araşdırma Şurasının (MASAK) hesabatında bildirilən 250.000 TL-lik transferi etiraf edib, lakin bunun Ankaradakı torpağı üçün alqı-satqı müqaviləsindən qaynaqlandığını iddia edib.

Hakim F.A.-nın bələdiyyə ilə əlaqələrindən istifadə edərək milyonlarla lirə yığdığını, bu pulun bir hissəsini İlker Arslan və ailəsinə köçürdüyünü, M.A-nın isə öz şirkətində işləyən kimi təqdim edildiyini bildirib. F.A.-ya qarşı “ağırlaşdırılmış dələduzluq” və “çirkli pulların yuyulması”, İlker Arslana qarşı isə “haqsız olaraq məfəət əldə etmə” və “cinayət yolu ilə əldə edilmiş pul vəsaitlərinin yuyulmasına şərikliyi”nə dair güclü şübhələrin olduğunu bildirib və hər iki şübhəlinin həbsini istəyib.

Arslan və F.A.-nın növbətçi hakimi dinləmələri hələ də davam etdirilir.