Məhşur rəssam vəfat etdi

İran əsilli rəssam və miniatür sənəti ustası Yakup Cem dünyasını dəyişib. Onun cənazəsi sabah ikindi namazından sonra Ankaranın Karşıyaka qəbiristanlığındakı Əhməd Əfəndi Məscidində dəfn ediləcək.

Ajans.az TRT xəbərə istinadən xəbər verir ki, işığın rəssamı kimi tanınan Yakup Cem Bodrumda çimərkən infarkt keçirərək vəfat edib.

Yakup Cem uzun illər Türkiyədə yaşayıb və “Müqəddəs Əmanətlər” adlı əsəri ilə tanınıb. Sözügedən rəsmi yaxınlarda böyük bir məbləğə satılıb və sənətsevərlər tərəfindən yüksək qiymətləndirilmişdi.