Polis atışmadan sonra dünyasını dəyişib

ABŞ-ın Xəstəliklərə Nəzarət və Qarşısının Alınması Mərkəzlərinin (CDC) Atlantadakı qərargahı yaxınlığında baş verən atışmaya cavab verən polis əməkdaşı aldığı xəsarətlərdən ölüb.

Ajans.az BBC-ə istinadən xəbər verir ki,hadisə cümə günü Emory Universitetinin yaxınlığında baş verib. İnsidentdə hazırda ölü olduğu bildirilən “tək atıcı” iştirak edib.

Məlumata əsasən, zabit David Rose xəstəxanaya çatdırılsa da, aldığı yaralardan dünyasını dəyişib. Polis, mülki şəxslər arasında xəsarət alan olmadığını bildirib.

Hadisənin motivi hələ də məlum deyil. ABŞ mediası, adı açıqlanmayan bir hüquq-mühafizə mənbəyinə istinadən, silahlı şəxsin koronavirus peyvəndi səbəbindən xəstə olduğuna inandığı ehtimalını yayıb. Kişinin atası isə həmin gün oğlunun intihar etdiyini düşünərək polisə müraciət edib.

CDC direktoru Susan Monarez, hücumla bağlı “ürəyinin sındığını” bildirib və “DeKalb County polisi, CDC təhlükəsizlik xidməti və Emory Universiteti dərhal və qətiyyətlə cavab verərək işçilərimizə və cəmiyyətimizə daha böyük zərərin qarşısını aldı” deyib.