Netanyahu Dürzi liderlə görüşdü

İsrail Baş naziri Binyamin Netanyahu, İsrail işğalı altında olan Qolan təpələrindəki Dürzi lideri Şeyx Mufavak Tarif ilə görüşdü.

Ajans.az xəbər verir ki, İsrail Baş nazirlik ofisindən verilən açıqlamada, dünən keçirilən görüşmənin Dürzi lider ilə Tel-Əviv hakimiyyəti arasında "davam edən koordinasiya" çərçivəsində baş tutduğu bildirilib.

Açıqlamada qeyd olunub ki, Tarif Suriya cənubundakı Süveyda şəhərində Dürzilərin mərkəzində yerləşir və 13 iyulda baş verən toqquşmalardan dərhal sonra İsraillə görüşərək Dürzilərin qorunması üçün İsrailə hərbi müdaxilə çağırışı edib.

Suriya Dürzilərini rejimə qarşı təhrik etmə və bölgəni sabitsizləşdirmə cəhdlərinə başlayan İsrail tez-tez Suriya ordusunun ölkənin cənubunda fəaliyyət göstərməsinə icazə verməyəcəkləri ilə hədələyir.

İsrail 13 iyulda Süveyda şəhərində baş verən toqquşmalara müdaxilə edib, Suriya ordusuna, Şamdakı Prezident iqamətgahı yaxınlarına və Baş Qərargah binasına hücumlar təşkil etmişdi.