Zelenskidən təşəkkür

Zelenski “Şimal Axınları” ilə bağlı qərara görə Avropaya təşəkkür edib.

Ajans.az lenta ru-ya istinadən xəbər verir ki, Ukrayna Prezidenti Volodimir Zelenski Avropa İttifaqına “Şimal Axını-1” və “Şimal Axını-2” qaz kəmərləri ilə bağlı istənilən tranzaksiyaların qadağan olunması qərarına görə təşəkkür edib. O, bu barədə özünün Telegram kanalında açıqlama verib.

“Avropa İttifaqının ‘Şimal Axını’ qaz kəməri ilə bağlı istənilən tranzaksiyaların qadağan olunması qərarını xüsusilə qeyd etmək istəyirəm. Rusiya hər hansı iqtisadi imkanlardan tam təcrid olunmalıdır”, – deyə Zelenski bildirib.

Zelenski Aİ-nin Rusiyaya qarşı qəbul etdiyi 18-ci sanksiyalar paketini şərh edərək bu qərarı zəruri adlandırıb. O, həmçinin Aİ-nin sanksiyalarının Ukraynanın tətbiq etdiyi sanksiyalarla sinxronlaşdırılacağını və yeni məhdudlaşdırıcı tədbirlərin hazırlandığını bildirib. Zelenski Avropa Komissiyasının Prezidenti Ursula fon der Lyayenə və Aİ ölkələrinin liderlərinə təşəkkürünü ifadə edib.

Bundan əvvəl Ursula fon der Lyayen Avropa İttifaqının “Rusiyanın hərbi maşınının ürəyinə zərbə endirdiyini” bildirmişdi. Onun sözlərinə görə, yeni sanksiyalar bank, enerji və müdafiə sənayesi sektorlarını əhatə edir və Rusiya neftinə tətbiq olunan yeni dinamik qiymət tavanı mexanizmini də özündə birləşdirir.