Macarıstan yardımdan imtina etdi

NATO-ya üzv ölkə Ukraynaya silah tədarükündə iştirakdan imtina etdi.

Ajans.az lenta ru-ya istinadən xəbər verir ki, Macaristan, əgər ABŞ Avropa İttifaqına (Aİ) belə xərclərdə iştirak etməyi təklif edərsə, Ukraynaya Amerika silahlarının tədarükünün maliyyələşdirilməsində iştirak etmək niyyətində deyil. Bu barədə ölkənin xarici işlər naziri Peter Siyarto bildirib, məlumatı TASS yayıb.

“Vurğulamaq istəyirəm ki, Macar pulları, Macar silahları və Macar əsgərləri Ukraynaya göndərilməyəcək. Heç nə ora göndərilməyəcək,” – deyə nazir bu barədə verilən suala cavab olaraq bildirib.

Bununla yanaşı, Siyarto ABŞ prezidenti Donald Trampın Ukraynadakı münaqişənin nizamlanması istiqamətində səylərini dəstəklədiyini qeyd edib. O, həmçinin Rusiya XİN rəhbəri Sergey Lavrovla ABŞ dövlət katibi Marko Rubionun Kuala-Lumpurda keçirdiyi danışıqları da müsbət qiymətləndirib.

Bundan əvvəl Rubio bildirmişdi ki, Vaşinqtonun NATO üzrə müttəfiqləri ABŞ-dan alınacaq və Ukraynaya göndəriləcək silahların tam dəyərini ödəyəcəklər.