İran hökumətinin devrilməsi ilə bağlı GİZLİ MÜZAKİRƏLƏR BAŞLADI

ABŞ və Avropa İttifaqından (Aİ) olan diplomatlar İranın ali dini lideri Ayətullah Əli Xamneyini kimin ortadan götürəcəyi ilə bağlı məxfi danışıqlar aparırlar.

Ajans.az xəbər verir ki, bu barədə CNN məlumat yayıb.

Xüsusilə, nüvə obyektlərinin və materiallarının təhlükəsizliyinin təmin edilməsinin mümkünlüyü, habelə nüvə obyektlərinə hərbi zərbələrin regional müttəfiqlər üçün mümkün ekoloji və sağlamlıq nəticələri ilə bağlı müzakirələr aparılır. Telekanalın həmsöhbətlərinin sözlərinə görə, amerikalı və avropalı diplomatlar da hazırkı hakimiyyətin İranı nə dərəcədə effektiv idarə edə bildiyini nəzərdən keçiriblər.

Bundan əlavə, nəşrə görə, qarşıdakı iki həftə ərzində diplomatiyanın İsrail və İran arasında münaqişəni dayandırmaq üçün “son şansı” olacaq.

İyunun 13-də İsrail İrana qarşı misli görünməmiş əməliyyata başlayıb, nüvə obyektlərinə, hərbi bazalara və komanda heyətinə zərbələr endirərək İsrail rəsmilərinin Tehranın artan nüvə təhlükəsinə cavab olduğunu bildirib.