Bu ölkədən Rusiyaya qarşı ŞOK ADDIM: Rusları Kalininqrad qatarlarından çıxarırlar...

Litva 5 illik xarici pasportu olan rusları Kalininqrada gedən qatarlardan çıxarmağa başlayıb.

Ajans.az xəbər verir ki, bu barədə Federal Sərnişin Şirkətinin (FPC) Telegram kanalında məlumat verilib.

Avropa ölkəsinin sərhədçiləri qeyri-biometri sənədləri olan rusları Kalininqrad vilayətinə gedən reyslərdən uzaqlaşdırdıqları hallar var.

Bununla bağlı sərnişinlərə biletləri qatarın yola düşməsinə ən geci 28 saat qalmış almaları tövsiyə olunur. Bu halda, Şengen vizanız olsa belə, dəmir yolunda sadələşdirilmiş səyahət sənədi (UPD-ZhD) almaq lazımdır. Bundan əlavə, Litvanın konsulluq idarələrinin saytında bir forma doldurmalısınız.