Şirkətlər süni intellektin inkişafı səbəbindən daha az adamı İŞƏ GÖTÜRÜR

Yalnız bu yaxınlarda ChatGPT-nin əmək bazarına təsiri ilə bağlı ilk nəşrlər ortaya çıxıb.

Ajans.az “Business İnsider”a istinadən xəbər verir ki, hətta o zaman süni intellektin bəzi peşələrdəki insanları əvəz edə biləcəyi barədə danışılırdı, lakin bunun belə tez baş verəcəyini heç kim təsəvvür belə edə bilməzdi.

Mart ayında “Shopify”ın CEO-su menecerlərinə yeni bir qayda tətbiq etdiyini söyləyib: Daha çox işçi tələb etməzdən əvvəl, süni intellektin bir insanın bacardığı işi bacara bilməyəcəyini sübut etməlidirlər.

Bir neçə həftə sonra “Duolingo”nun baş direktoru oxşar əmr elan edib və daha da irəli gedərək şirkətin podratçıları tədricən ləğv edəcəyini və onları süni intellektlə əvəz edəcəyini söyləyib.

Bəzi xarici şirkətlər öz işçilərinin əksəriyyətini süni intellektlə əvəz etmək barədə ciddi düşünməyə başlayıblar. Artıq indi əmək bazarında bəzi peşələrə tələbin azalması müşahidə olunur.