Amerikadan gələn TƏHLÜKƏ... - ÇİN

Xalq Azadlıq Ordusu Hərbi Hava Qüvvələrinin Erkən Xəbərdarlıq Akademiyasının (PLAAF) analitikləri Amerikanın B-52 Stratofortress strateji bombardmançısını müasir beşinci nəsil F-35 Lightning II qırıcısından daha böyük təhlükə kimi tanıyıblar.

Ajans.az xəbər verir ki, bu barədə “The National Interest (NI)” yazır.

Araşdırmada qeyd edilib ki, Soyuq Müharibə dövrünün bombardmançı təyyarəsi Çinin donanması və qurudakı hədəfləri üçün müasir təyyarələrdən daha böyük təhlükə yaradır. ABŞ Hərbi Hava Qüvvələrinin havadan nüfuz etmə əməliyyatını simulyasiya edən müəlliflər B-52-nin əməliyyatın bütün mərhələlərində ən qiymətli silah olduğunu bildiriblər.

Sənəddə həmçinin vurğulanır ki, B-52-nin faydalı yükü və uçuş məsafəsi qırıcıların və hücum təyyarələrinin gizliliyindən daha böyük strateji dəyərə malikdir. Tədqiqatçılar Çin ordusunu erkən xəbərdarlıq radar şəbəkəsini genişləndirməyə və hava hücumundan müdafiə sistemlərini təkmilləşdirməyə çağırıblar.

Mayın əvvəlində 19FortyFive məlumat vermişdi ki, B-52-nin modernləşdirilməsi proqramındakı gecikmələr təyyarənin xidmətə başlamazdan əvvəl köhnəlməsinə səbəb ola bilər. İlk təyyarələrin 2030-cu illərdə orduya təhvil verilməsi planlaşdırılır.