İstanbulda Rusiya-ABŞ danışıqlarının nəticələri AÇIQLANDI

İki ölkənin nümayəndə heyətlərinin İstanbulda keçirilən görüşünün nəticələri ilə bağlı Rusiya və Amerika tərəflərinin bəyanatları müsbət münasibət və lazımi siyasi iradənin mövcudluğunu nümayiş etdirib.

Ajans.az xəbər verir ki, bu barədə “RİA Novosti” mənbələrə istinadən məlumat yayıb.

"Hansısa nəticə çıxarmaq üçün hələ tezdir, lakin məsləhətləşmələrdən sonra Rusiya və ABŞ-nin verdiyi bəyanatlar müsbət münasibəti və ölkələr tərəfindən lazımi siyasi iradənin olduğunu göstərir. Biz danışıqlar prosesinin özünə qarışmırıq. Müzakirələr konkret nəticələrə səbəb olanda, əlbəttə ki, əla olacaq", - deyə agentlik türk diplomatik mənbəsinin adının çəkilməməsi şərti ilə bildirib.

Həmçinin bildirilir ki, hazırda Türkiyə Rusiya və Amerika nümayəndələri arasında növbəti danışıqların təxmini tarixlərini bilmir, çünki gələcək görüşün texniki detalları üzrə razılığa gələnlər məhz Moskva və Vaşinqtondur.

Bundan əvvəl ABŞ Dövlət Departamenti İstanbuldakı məsləhətləşmələrin konstruktiv keçdiyini, tərəflərin yaxın vaxtlarda yeni görüşün keçirilməsi imkanlarını da müzakirə etdiyini bildirib. Departament həmçinin bildirib ki, görüşün vaxtı və yeri, eləcə də ölkələrin nümayəndələr qrupunun tərkibi “sonra müəyyən olunacaq”.

© Materiallardan istifadə edərkən hiperlinklə istinad olunmalıdır.