Kremldən Azərbaycan və Ermənistanla bağlı AÇIQLAMA

Siyasət 07-10-2024 - 23:34

Rusiya ondan irəli gəlir ki, Azərbaycanla Ermənistan arasında münaqişənin həlli üçün əsas üç ölkə arasında üçtərəfli sazişlərdir.

Ajans.az xəbər verir ki , bunu Rusiya prezidentinin köməkçisi Yuri Uşakov deyib.

“Biz ondan çıxış edirik ki, bütün bu mürəkkəb məsələlərin hərtərəfli həlli üçün əsas Azərbaycan, Ermənistan və Rusiya liderlərinin məlum üçtərəfli razılaşmalarının həyata keçirilməsidir”, - o bildirib.

Uşakov əlavə edib ki, Rusiya Ermənistanla Azərbaycan arasında münasibətlərin normallaşmasında fəal və müsbət rol oynayır.

Qeyd edək ki, Rusiya prezidenti Vladimir Putin Azərbaycan prezidenti İlham Əliyev və Ermənistanın baş naziri Nikol Paşinyanla ayrı-ayrılıqda görüşlər keçirəcək.