Futbol üzrə Çempionlar Liqasının finalı Bakıda keçirilə bilər!
"Milan"ın geri çəkilməsindən sonra 2027-ci ildə Çempionlar Liqasının finalına ev sahibliyi etmək üçün Azərbaycan və İspaniya mübarizə aparır.
Ajans.az xəbər verir ki, iki ölkə də UEFA tərəfindən Avropa futbolunun ən böyük klub matçı üçün təklifin yenidən açılmasından sonra 2027-ci ildə Çempionlar Liqasının finalına ev sahibliyi etməkdə maraqlı olduqlarını bəyan edib.
Çərşənbə günü UEFA tərəfindən iki maraqlı iddiaçı kimi adı çəkildikdən sonra oyun Bakı Olimpiya Stadionunda və ya Madriddəki Metropolitano Stadionunda keçiriləcək. Onların yekun təklifləri martın 19-una kimi çatdırılmalı, UEFA may ayında keçirilməsi planlaşdırılan finala kimin ev sahibliyi edəcəyi ilə bağlı qərar verməlidir.
Şahanə Paşazadə
Vəzifəsi: Müxbir
