Ərdoğan Kazanda bugünkü terrordan danışdı - Şəhidlərimiz var
Türkiyə Prezidenti Rəcəb Tayyib Ərdoğan Ankaradakı terror aktı ilə bağlı açıqlama verib.
Ajans.az “Sputnik Türkiye”yə istinadən xəbər verir ki, Ərdoğan bu barədə Rusiyanın Kazan şəhərində keçirilən BRİCS sammitində çıxışı zamanı danışıb.
Türkiyə lideri hücumda 4 nəfərin həlak olduğunu, 14 nəfərin isə yaralandığını bildirib. Qeyd edib ki, yaralılardan 3-nün vəziyyəti ağır olaraq qalır.
Türkiyə Prezidenti Rusiyada keçirilən beynəlxalq platformadan terror aktını pislədiyini də bəyan edib.
