Azərbaycan futbolunda legioner limiti ləğv olundu
Futbol üzrə Azərbaycan Premyer Liqasında legioner limiti ləğv olunub.
Ajans.az xəbər verir ki, bu barədə bu gün AFFA-nın İcraiyyə Komitəsinin iclasında qərar qəbul edilib.
Qərar növbəti mövsümdən tətbiq olunacaq.
Yeni mövsümdən legioner limitində aşağıdakı kriteriyalar tətbiq olunacaq:
Oyunun sifariş vərəqəsində maksimum 17 əcnəbi futbolçu ola bilər.
Meydanda eyni anda 11 əcnəbi futbolçu oynaya bilər.
Legioner futbolçular üçün rüsum aşağıdakı kimi olacaq:
1 legionerdən 7 legionerə qədər: 5000 (beş min) AZN
8-dən 12-yə qədər: 10000 (on min) AZN
13-dən 15-ə qədər: 100000 (yüz min) AZN
16 və daha yuxarı: 200000 (iki yüz min) AZN
Öz ölkəsinin milli komandasının üzvü olub-olmamasından asılı olmayaraq, bütün legionerlərə rüsum tətbiq ediləcək.
Heyətində yerli futbolçular oynadan klublara xüsusi hesablama metodu ilə bonus ödəniləcək. Bonuslar legioner rüsumundan əldə ediləcək vəsaitdən veriləcək.
