11 yaşlı qızı ruhi xəstə ilə səhv saldılar - BU ÖLKƏDƏ QALMAQAL
Yeni Zelandiyada 11 yaşlı qızın səhvən həbs edilməsi ilə bağlı insidentdən sonra qalmaqal yaranıb.
Ajans.az xəbər verir ki, polis uşağı itkin düşmüş 20 yaşlı psixiatrik xəstə ilə səhv salıb.
Hadisə martın 9-da Hamilton şəhərində baş verib. Şifahi qabiliyyəti məhdud olan qız körpüdə görünərək xəstəxanaya aparılıb. Tibb bacılarından biri həkimlərin uşaqla məşğul olduğunu və asayiş keşikçilərinin səhv etdiyini bildirib. Lakin onun sözləri diqqətdən kənarda qalıb və 11 yaşlı qıza güclü narkotik maddə vurulub.
Qızın əlil olduğu və özündən insanlara danışa bilmədiyi qeyd edilir. Yeni Zelandiya Səhiyyə Nazirliyinin rəsmi hesabatında, işçilərin yetkin bir xəstə ilə məşğul olduqlarına inanaraq hərəkət etdikləri müəyyən edildi. Polis səhvini anlayıb ailəsi ilə əlaqə saxlayana qədər qız 12 saatdan çox intensiv psixiatriya şöbəsində yatıb.
Baş Tibb Mütəxəssisi Riçard Sullivan hadisənin uşağa ciddi psixoloji travma yaratdığını etiraf edərək ailədən rəsmi üzr istəyib. Baş nazir Kristofer Lukson hadisə ilə bağlı araşdırmalara başlayıb. Səlahiyyətlilər gələcəkdə oxşar hadisələrin baş verməməsi üçün xəstələrin müəyyən edilməsi prosedurlarını nəzərdən keçirəcəklərini vəd ediblər.
© Materiallardan istifadə edərkən hiperlinklə istinad olunmalıdır.
