Bəşər Əsədin atasının məzarı darmadağın edildi - ŞOK VİDEO
Suriyada rejimi devirən silahlı müxaliflər keçmiş prezident Bəşər Əsədin atası Hafiz Əsədin Latakiyadakı məzarına basqın ediblər.
Ajans.az xəbər verir ki, müxaliflər məzarı əzib dağıdıblar.
Ölkənin hər yerində hökmranlıq quran silahlı müxalifət kritik qurumları və əlamətdar yerləri də ələ keçirib. Müxalifət keçmiş prezident, Bəşər Əsədin atası Hafiz Əsədin Latakiyadakı məzarına gedib. Camaat qəbrin üstünə çıxıb onu əzib, sonra da dağıdıblar.
Digər tərəfdən, Suriya Milli Ordusu dekabr ayında başlatdığı “Azadlıq şəfəqi” əməliyyatının ilk günündə Tel Rıfat rayon mərkəzini terror təşkilatı PKK/YPG-dən azad edib. Əməliyyatda Mənbic rayonunun azad edilməsi ilə Fərat çayının qərbində ən böyük terror yuvasına çevrilən bölgə PKK/YPG-dən təmizlənib.
Şahanə Paşazadə
Vəzifəsi: Müxbir
