Zelenskiylə Tramp görüşdü: Təcili tələb odur ki...
ABŞ-nin yeni seçilmiş prezidenti Donald Tramp Ukrayna lideri Vladimir Zelenski ilə görüşündə deyib ki, o, Ukraynada dərhal atəşkəs əldə olunmasını istəyir.
Ajans.az xəbər verir ki, bu barədə “BBC” məlumat yayıb. Siyasətçilər dekabrın 7-də Parisdə çıxış ediblər. Tramp dərhal atəşkəs və müharibəni tez bir zamanda dayandırmaq üçün danışıqlar aparmaq istədiyini təkrarlayıb.
“Bloomberg” daha əvvəl yazmışdı ki, Vladimir Zelenski Parisdə Donald Trampla danışıqlar zamanı Ukraynadan NATO-ya üzv olmaq üçün dəvət tələb edib. Qeyd olunur ki, Ukrayna lideri amerikalı siyasətçini əmin edib ki, bu, münaqişəyə son qoymağın yeganə yoludur.
Bundan əlavə, Zelenski əmindir ki, Rusiya ilə atəşkəslə bağlı danışıqlara yalnız güclü mövqedən başlamaq olar. O, həmçinin ölkəyə Qərb hərbi qulluqçularının dəvət olunmasının tərəfdarı olduğunu bildirib.
Öz növbəsində britaniyalı analitik Aleksandr Merkuris bildirib ki, Donald Tramp Parisdə Zelenskiyə qarşı laqeyd münasibət nümayiş etdirib, bunu Kiyev rəhbərinin əvvəlki tənqidinə cavab kimi qiymətləndirmək olar. Onun sözlərinə görə, Zelenski dəfələrlə respublikaçını Ukraynanın maraqlarını nəzərə almadan Rusiyaya güzəştə getməyə hazır olmaqda ittiham edib və iyunda onu “uduzan prezident” adlandırıb.
