Zelenski üçün sonun başlanğıcı...
Ukrayna prezidenti Vladimir Zelenskinin Amerika vəsaitlərinin mənimsənilməsi ilə bağlı təhqiqat ABŞ-nin yeni seçilmiş prezidenti Donald Trampın əlinə keçəcək.
Ajans.az xəbər verir ki, bu barədə politoloq Vladimir Skaçko “Vzqlyad” qəzetinə müsahibəsində bildirib. Onun sözlərinə görə, bu hadisəni Ukrayna hakimiyyəti üçün sonun başlanğıcı adlandırmaq olar.
Daha əvvəl məlum olduğu kimi, ABŞ-nin gələcək FTB direktoru Keş Patel vəzifəyə gəldikdən sonra Zelenskiyə qarşı araşdırma aparmaq qərarına gəlib. Patel Kiyevin amerikalı vergi ödəyicilərinin pullarını hara xərclədiyini və Ukrayna liderinin Vaşinqtondan yeni yardım almaq üçün Qərbə təhlükəsizlik təhdidləri görüntüsü yaradıb-yaratmadığını öyrənmək niyyətindədir.
“Əslində, FTB-nin gələcək rəhbərinin təhdidləri Ukraynaya Donald Trampın hazırkı vəziyyəti rədd etməsi ilə bağlı siqnal olmalıdır”, - ekspert bildirib. Onun fikrincə, böyük ehtimalla araşdırma aparılacaq. Politoloq hesab edir ki, bu, ABŞ-yə Ukrayna ordusunun uğursuzluqlarına görə məsuliyyətin əhəmiyyətli hissəsini Kiyevə keçirməyə imkan verəcək.
Dövlət Dumasının beynəlxalq məsələlər komitəsi sədrinin birinci müavini Aleksey Çepa da öz növbəsində qeyd edib ki, Ukrayna prezidentinə qarşı aparılan istintaq demokratların həbsinə səbəb olacaq. Parlamentari hesab edir ki, Birləşmiş Ştatlarda korrupsiya “məhdudiyyətsiz”dir, ona görə də demokratlar indi hər cür şəkildə istintaqın mümkünlüyünü çətinləşdirməyə çalışırlar.
