Təyyarədə gərgin anlar yaşandı - ANBAAN VİDEO

Tehrandan İstanbula uçan təyyarədə həyəcanlı anlar yaşanıb.

Ajans.az xəbər verir ki, enişdən az əvvəl sərnişin “Allahu Əkbər” deyə qışqıraraq çıxış qapısını açmağa çalışıb. Həmin anlar saniyə-saniyə kameralara düşüb.

Sərnişini dayandırmağa çalışan digər sərnişinlər və ekipaj üzvləri hücuma məruz qalıb.

Tehrandan İstanbula uçan təyyarənin enişinə yarım saat qalmış adı açıqlanmayan sərnişin oturduğu yerdən qalxaraq təcili yardım qapısına tərəf yönəlib və “Allahu Əkbər” qışqıraraq qapını açmağa çalışıb. Sözügedən sərnişini saxlamağa çalışan digər sərnişinlər və ekipaj üzvləri fiziki hücuma məruz qalıblar. Hadisə şahidləri bildiriblər ki, təcili çıxış qapısını açmağa çalışan şəxs uçuş başlayandan bəri sürətlə nəfəs alıb və vəziyyəti yaxşı olmayıb.

Hava yolları öz şərhində şəxsin uçuş heyətinə fiziki hücum etdiyini və təyyarədə nəzarət altına alındıqdan sonra polisə təhvil verildiyini açıqlayıb.