Terror qruplaşmasının 54 üzvü saxlanıldı
Hadisə
26-11-2024 - 15:12
Türkiyə xüsusi xidmət orqanları İŞİD terror qruplaşması ilə əlaqədə şübhəli bilinən 54 nəfəri saxlayıb.
Ajans.az xəbər verir ki, bu barədə Türkiyənin daxili işlər naziri Əli Yerlikaya məlumat verib.
"İŞİD terror qruplaşmasına qarşı 18 əyalətdə keçirilən əməliyyatlar çərçivəsində 54 nəfər saxlanılıb", - nazir X hesabında yazıb.
O qeyd edib ki, saxlanılan şəxslər İŞİD-ə qoşulmaqda, bu terror təşkilatının yaraqlılarına kömək etməkdə və gizlətməkdə, həmçinin sosial şəbəkələrdə onu təbliğ etməkdə şübhəli bilinirlər. Prokurorluq cinayət işi açıb. Məhkəmənin qərarı ilə 20 nəfər həbs edilib.
Şahanə Paşazadə
Vəzifəsi: Müxbir
