Serialda gördüyü qatili təqlid edən gəncə AĞIR CƏZA
ABŞ-nin Oreqon ştatında “Dexter” serialındakı qatil obrazını təqlid edən 18 yaşlı Daniel Qor 13 yaşlı Milana Lini öldürməkdə təqsirli bilinib.
Ajans.az xəbər verir ki, Milanın cansız bədəni 2022-ci il mayın 10-da axar suda tapılıb. Kamera görüntüləri və DNT nümunələri qətl şübhəlisinə işarə edib. Qor qurbanın telefonunu oğurlayıb və dostlarına mesaj yazıb. Qətldə mühakimə olunan Qorun 30 ildən sonra şərti azadlığa buraxılması ilə ömürlük həbs cəzası istənilib.
Qorun yaşadığı çadırda tapılan, kitabxanada ələ keçirilən gündəlik dəhşətli həqiqəti üzə çıxarıb. Gündəliyinə "Dexter" serialındakı qatil obrazına heyran olduğunu və şiddətə olan marağı haqqında yazan Qor, "Özümü Dexter kimi hiss edirəm" deyib. Qətldən sonra soyuqqanlı qatil qurbanının telefonunu oğurlayıb və dostlarına mesaj yazıb. Təhlükəsizlik kameraları Qorun Milana ilə avtobus dayanacağından meşəlik əraziyə doğru getdiyini göstərib. Əvvəlcə cinayətini inkar etməyə çalışan Qor bütün dəlillər üzə çıxanda günahkar bilinib.Prokurorluq qətl, zorlama və cinsi təcavüzdə mühakimə olunan Qorun 30 ildən sonra şərti azadlığa çıxma ehtimalı ilə ömürlük həbs cəzası istəyib. Yekun hökmün dekabrın 2-də elan ediləcəyi gözlənilir.
