Sabah QHT-lər üçün vacib müsabiqə ELAN EDİLƏCƏK

Cəmiyyət 22-10-2024 - 16:40

QHT-lərə Dövlət Dəstəyi Agentliyi sabah 2025-ci ilin kiçik, orta və böyük qrant müsabiqələrini elan edəcək.

Ajans.az xəbər verir ki, bu barədə Agentliyin İctimaiyyətlə əlaqələr şöbəsinin məlumatında bildirilib.

Kiçik qrant müsabiqəsi çərçivəsində qalib layihələrə maksimum 15 000 manat, orta qrant müsabiqəsi çərçivəsində maksimum 30 000 manat, böyük qrant müsabiqəsi çərçivəsində isə maksimum 50 000 manat qrant məbləği ayrılacaq:

Müsabiqə elanına uyğun olaraq, QHT müsabiqəyə tək və ya digər tərəfdaş QHT və ya QHT-lər ilə birlikdə layihə təqdim edə biləcəklər.