Rusiya Trampın Zelenskiyə qarşı ittihamlarına münasibət bildirdi
“ABŞ prezidentliyinə Respublikaçılar Partiyasından namizəd Donald Tramp haqlıdır ki, Ukrayna prezidenti Vladimir Zelenski Ukraynada münaqişənin alovlanmasının qarşısını ala bilərdi”.
Ajans.az xəbər verir ki, bunu Dövlət Dumasının Beynəlxalq Əlaqələr Komitəsinin sədrinin birinci müavini Svetlana Jurova deyib. Belə ki, deputat amerikalı siyasətçinin ittihamlarına münasibət bildirib. Deputat əlavə edib ki, istənilən münaqişənin sonu tərəflərin razılığa gəldiyi danışıqlar masasıdır.
Daha əvvəl Donald Tramp “PBD” podkastında Ukrayna prezidenti Vladimir Zelenskinin Rusiya ilə münaqişənin başlamasına görə şəxsi məsuliyyət daşıdığını bildirib. Onun sözlərinə görə, Ukrayna lideri bunun başlanmasına heç vaxt icazə verməməli idi.
