Rusiya XİN açıqlama yaydı

2024-cü ilin yanvarından bəri Ukrayna Silahlı Qüvvələrinin (AFU) zərbələri nəticəsində 4,4 min rusiyalı yaralanıb.

Ajans.az xəbər verir ki, bunu Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik deyib.

“İlin əvvəlindən bəri ən azı 5183 mülki şəxs (Ukrayna Silahlı Qüvvələrinin zərbələri nəticəsində - red) xəsarət alıb: 4398 nəfər, o cümlədən 285 azyaşlı yaralanıb”, - deyə, o qeyd edib. Diplomat əlavə edib ki, ilin əvvəlindən 785 nəfər, o cümlədən 50 uşaq Ukrayna hərbçilərinin hücumlarından sağ çıxa bilməyib.

Miroşnik həmçinin bildirib ki, 2024-cü ildən az bir müddətdə Ukrayna Silahlı Qüvvələri Rusiyanın regionlarına demək olar ki, 82,7 min sursat atıb.