İlham Əliyev QANUN İMZALADI

Prezident İlham Əliyev yeni qanun imzlayıb.

Ajans.az qanun mətnin təqdim edir:

Azərbaycan Respublikasının Milli Məclisi Azərbaycan Respublikası

Konstitusiyasının 94-cü maddəsinin I hissəsinin 1-ci, 10-cu, 15-ci, 17-ci, 20-ci, 26-cı və 27-ci bəndlərini rəhbər tutaraq qərara alır:

Maddə 1. Azərbaycan Respublikasının Mülki Məcəlləsində (Azərbaycan Respublikasının Qanunvericilik Toplusu, 2000, № 4 (I kitab), maddə 250 (Cild I); 2024, № 2, maddə 138, № 4, maddə 365, № 5 (I kitab), maddə 493, № 7, maddə 744, № 12 (I kitab), maddə 1281; 2025, № 1, maddə 17, № 3, maddə 216, № 4 (I kitab), maddələr 315, 318, № 6, maddələr 523, 524, 536, № 7, maddələr 610, 626, № 8, maddələr 738, 741, 743, 744, № 11, maddə 1004; 2026, № 1, maddə 2, № 3, maddə 208; Azərbaycan Respublikasının 2026-cı il 26 may tarixli 413-VIIQD nömrəli Qanunu) aşağıdakı dəyişikliklər edilsin: 1.1. 91-2.4-cü maddənin birinci cümləsində “Cəmiyyətin” sözü “Qanunla başqa hal nəzərdə tutulmamışdırsa, cəmiyyətin ” sözləri ilə əvəz edilsin; 1.2. 107.4-cü maddənin dördüncü cümləsində “Banklar haqqında” və “Sığorta fəaliyyəti haqqında” Azərbaycan Respublikasının qanunlarında” sözləri “Qanunda” sözü ilə əvəz edilsin;

Maddə 2. Azərbaycan Respublikası Cinayət Məcəlləsinin (Azərbaycan Respublikasının Qanunvericilik Toplusu, 2000, № 4 (II kitab), maddə 251 (Cild I); 2024, № 1, maddələr 8, 18, № 3, maddə 250, № 7, maddə 772, № 11, maddə 1189, № 12 (II kitab), maddələr 1330, 1350; 2025, № 1, maddə 1, № 2, maddələr 98, 99, № 3, maddələr 217, 221, № 4 (I kitab), maddə 322, № 5, maddə 434, № 6, maddə 538, № 7, maddələr 607, 626, № 11, maddə 1013; 2026, № 1, maddələr 16, 19, № 3, maddə 211; Azərbaycan Respublikasının 2026-cı il 21 aprel tarixli 386-VIIQD nömrəli və 387-VIIQD nömrəli, 27 aprel tarixli 395-VIIQD nömrəli qanunları) 271-ci maddəsinin “Qeyd” hissəsinin 3-cü bəndinə “şəxslər” sözündən sonra “, kraudfandinq platformalarının operatorları” sözləri əlavə edilsin.

Maddə 3. Azərbaycan Respublikası Vergi Məcəlləsinin (Azərbaycan Respublikasının Qanunvericilik Toplusu, 2000, № 8 (I kitab), maddə 583 (Cild I); 2024, № 2, maddə 138, № 4, maddə 365, № 5 (I kitab), maddə 498, № 6 (I kitab), 2 maddələr 630, 638, № 7, maddə 747, № 8, maddələr 932, 933, 934, № 10, maddə 1118, № 11, maddə 1182, № 12 (I kitab), maddə 1282, (II kitab), maddə 1345; 2025, № 2, maddə 96, № 3, maddə 214, № 4 (I kitab) maddələr 307, 315, 318, 322, № 5, maddələr 432, 441, № 6, maddələr 524, 536, № 7, maddələr 609, 618, № 8, maddələr 743, 744, № 11, maddə 1009, № 12 (I kitab), maddə 1118; 2026, № 1, maddələr 11, 14, 15, 16, 21; № 2, maddə 111; Azərbaycan Respublikasının 2026-cı il 27 aprel tarixli 396-VIIQD nömrəli və 26 may tarixli 413-VIIQD nömrəli qanunları) 30.6.7-1-ci maddəsinə “Qiymətli kağızlar bazarı haqqında” sözlərindən sonra “, “Kraudfandinq haqqında” sözləri əlavə edilsin.

Maddə 4. Azərbaycan Respublikasının İnzibati Xətalar Məcəlləsinə (Azərbaycan Respublikasının Qanunvericilik Toplusu, 2016, № 2 (I kitab), maddə 202 (Cild I); 2024, № 1, maddə 18, № 2, maddə 135, № 4, maddə 362, № 5 (I kitab), maddələr 487, 489, 492, 503, № 7, maddələr 750, 768, 771, 772, № 12 (I kitab), maddə 1280, (II kitab), maddələr 1330, 1350; 2025, № 1, maddələr 1, 15, № 2, maddə 99, № 3, maddə 217, № 4 (I kitab), maddələr 305, 311, № 5, maddələr 434, 440, № 6, maddə 529, № 7, maddələr 607, 619, 626, № 8, maddələr 736, 741; 2026, № 1, maddələr 18, 19, № 3, maddələr 202, 212; Azərbaycan Respublikasının 2026-cı il 21 aprel tarixli 388-VIIQD nömrəli və 12 iyun tarixli 423-VIIQD nömrəli qanunları) aşağıdakı məzmunda 416-1-ci maddə əlavə edilsin: “Maddə 416-1. Kraudfandinq haqqında qanunvericiliyin pozulması 416-1.1. Kraudfandinq platformasının operatoru tərəfindən açıqlanmalı və ya dərc edilməli olan məlumatların açıqlanmamasına və ya dərc edilməməsinə görə – vəzifəli şəxslər min beş yüz manatdan iki min manatadək məbləğdə, hüquqi şəxslər üç min manatdan dörd min manatadək məbləğdə cərimə edilir. 416-1.2. Kraudfandinq platformasının operatoru tərəfindən fəaliyyətinə dair hesabatların Azərbaycan Respublikasının Mərkəzi Bankına təqdim edilməsindən yayınmağa və ya imtina edilməsinə, yaxud təhrif edilmiş məlumatın verilməsinə və ya onların təqdim edilməsi müddətinin pozulmasına görə – vəzifəli şəxslər min manatdan min beş yüz manatadək məbləğdə, hüquqi şəxslər iki min manatdan üç min manatadək məbləğdə cərimə edilir. 416-1.3. Kraudfandinq platformasının operatoru tərəfindən platformanın idarə edilməsi ilə əlaqədar saxlanılmalı məlumatların və sənədlərin saxlanılması qaydalarının pozulmasına görə – vəzifəli şəxslər beş yüz manatdan altı yüz manatadək məbləğdə, hüquqi şəxslər min manatdan min beş yüz manatadək məbləğdə cərimə edilir. 416-1.4. Kraudfandinq sahəsində kraudfandinq platformasının operatoru tərəfindən pul vəsaitlərinin idarə olunması qaydalarının pozulmasına görə – vəzifəli şəxslər iki min manatdan üç min manatadək məbləğdə, hüquqi şəxslər altı min manatdan yeddi min manatadək məbləğdə cərimə edilir. 416-1.5. Kraudfandinq sahəsində kraudfandinq platformasının operatoru tərəfindən kraudfandinq kampaniyasının keçirilməsi qaydalarının pozulmasına görə - vəzifəli şəxslər iki min manatdan üç min manatadək məbləğdə, hüquqi şəxslər dörd min manatdan beş min manatadək məbləğdə cərimə edilir.”. 3

Maddə 5. “Dövlət rüsumu haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2001, № 12, maddə 740 (Cild I); 2024, № 1, maddələr 10, 16, № 6 (I kitab), maddə 637, № 7, maddələr 747, 751, 775, № 8, maddə 933, № 11, maddə 1187, № 12 (II kitab), maddə 1351; 2025, № 1, maddə 1, № 2, maddə 101, № 4 (I kitab), maddələr 318, 322, № 5, maddə 433, № 6, maddələr 521, 524, № 7, maddə 626, № 12 (I kitab) maddələr 1118, 1129; 2026, № 1, maddələr 8, 13, 20; Azərbaycan Respublikasının 2026-cı il 26 may tarixli 413-VIIQD nömrəli Qanunu) aşağıdakı məzmunda 2.0.8-4-cü və 21-1-ci maddələr əlavə edilsin: “2.0.8-4. hüquqi şəxslərin kraudfandinq platformasının idarə edilməsi fəaliyyəti üzrə Azərbaycan Respublikası Mərkəzi Bankının reyestrinə daxil edilməsi;”; “Maddə 21-1. Hüquqi şəxslərin kraudfandinq platformasının idarə edilməsi fəaliyyəti üzrə Azərbaycan Respublikası Mərkəzi Bankının reyestrinə daxil edilməsi üçün dövlət rüsumunun dərəcəsi Dövlət rüsumu tutulmalı olan hərəkətlər Dövlət rüsumunun məbləği Hüquqi şəxslərin kraudfandinq platformasının idarə edilməsi fəaliyyəti üzrə Azərbaycan Respublikası Mərkəzi Bankının reyestrinə daxil edilməsi 2750 manat

Maddə 6. “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2004, № 1, maddə 8 (Cild I); 2024, № 7, maddə 743, № 12 (I kitab), maddə 1281; 2025, № 1, maddə 16, № 4 (I kitab), maddə 318, № 5, maddə 432, № 7, maddə 609, № 8, maddə 741; 2026, № 2, maddə 103; Azərbaycan Respublikasının 2026-cı il 26 may tarixli 413-VIIQD nömrəli Qanunu) 15.9.3-1-ci maddəsinə “Qiymətli kağızlar bazarı haqqında” sözlərindən sonra “, “Kraudfandinq haqqında” sözləri əlavə edilsin.

Maddə 7. "Azərbaycan Respublikasının Mərkəzi Bankı haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2004, № 12, maddə 984 (Cild I); 2024, № 2, maddə 138) 46-cı maddəsində aşağıdakı dəyişikliklər edilsin: 7.1. 46.1-ci maddəyə birinci halda “şəxslər” sözündən sonra “, kraudfandinq platformalarının operatorları” sözləri əlavə edilsin; 7.2. 46.2-ci maddəyə “Qiymətli kağızlar bazarı haqqında” sözlərindən sonra “, “Kraudfandinq haqqında” sözləri əlavə edilsin.

Maddə 8. “Qiymətli kağızlar bazarı haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2015, № 7, maddə 813 (Cild I); 2025, № 4 (I kitab), maddə 318, № 5, maddə 432, № 7, maddə 613) aşağıdakı dəyişikliklər edilsin: 8.1. aşağıdakı məzmunda 2.5-ci maddə əlavə edilsin: 4 “2.5. Kraudfandinq çərçivəsində qiymətli kağızların emissiyası, kütləvi təklifi və yerləşdirilməsi "Kraudfandinq haqqında" Azərbaycan Respublikası Qanununun tələbləri nəzərə alınmaqla həyata keçirilir.”; 8.2. 5.6.7-ci maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 5.6.8-ci maddə əlavə edilsin: “5.6.8. investisiya qiymətli kağızları “Kraudfandinq haqqında” Azərbaycan Respublikasının Qanununa əsasən kraudfandinq platforması vasitəsilə təklif edildikdə.”; 8.3. 6-cı maddə üzrə: 8.3.1. 6.3.6-cı maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 6.3.6-1-ci maddə əlavə edilsin: "6.3.6-1. istiqrazların borc əsaslı kraudfandinq məqsədilə buraxılışı zamanı emitentin “Kraudfandinq haqqında” Azərbaycan Respublikası Qanununun 9.3.1.8-ci və 9.3.1.9-cu maddələrində tələb olunan məlumatları və sənədləri."; 8.3.2. 6.3-2-ci maddədə “və 6.3.6-cı” sözləri “, 6.3.6-cı və 6.3.6-1-ci" sözləri ilə əvəz edilsin; 8.4. 8-ci maddə üzrə: 8.4.1. 8.6-cı maddəyə birinci halda “dövlət” sözündən əvvəl “kütləvi təklifi kraudfandinq platforması vasitəsilə həyata keçirilən investisiya qiymətli kağızları,” sözləri əlavə edilsin; 8.4.2. 8.13-cü maddənin birinci abzasının birinci cümləsinə “banklarda” sözündən sonra “(“Kraudfandinq haqqında” Azərbaycan Respublikasının Qanununda nəzərdə tutulmuş hal istisna olmaqla)” sözləri əlavə edilsin; 8.5. 15.2-ci maddənin birinci cümləsinə “idarəçiləri” sözündən sonra “, habelə kraudfandinq platformalarının operatorları” sözləri əlavə edilsin; 8.6. 16.6-cı maddənin dördüncü cümləsinə “birjasının” sözündən sonra “, kraudfandinq platformasının operatorunun” sözləri əlavə edilsin; 8.7. 17.2-1.1-ci maddəyə “saxlayıcılar” sözündən sonra “, habelə kraudfandinq platformasının operatoru” sözləri əlavə edilsin; 8.8. 19-cu maddə üzrə: 8.8.1. 19.1-ci maddəyə “banklar” sözündən sonra “, kraudfandinq platformalarının operatorları” sözləri əlavə edilsin; 8.8.2. 19.2-ci maddəyə “idarəçisinin” sözündən sonra “, habelə kraudfandinq platformasının operatorunun” sözləri əlavə edilsin; 8.9. 44.2-ci maddəyə “ticarəti” sözündən sonra “, kütləvi təklifi kraudfandinq platforması vasitəsilə həyata keçirilən investisiya qiymətli kağızları istisna olmaqla,” sözləri əlavə edilsin; 8.10. 50.4-cü maddəyə “banklar” sözündən sonra “, habelə kraudfandinq platformalarının operatorları” sözləri əlavə edilsin; 8.11. 53.1-ci maddənin birinci cümləsinə “idarəçisinin” sözündən sonra “, habelə kraudfandinq platformasının operatorunun” sözləri, “idarəçini” sözündən sonra “, operatoru” sözü əlavə edilsin; 8.12. 56.1-ci maddəyə “bankların” sözlərindən sonra “, habelə kraudfandinq platformasının operatorunun” sözləri əlavə edilsin; 8.13. 58.2-ci maddəyə “bank” sözündən sonra “, habelə kraudfandinq platformasının operatoru” sözləri əlavə edilsin; 8.14. 61.7-ci maddəyə “bankların,” sözündən sonra “kraudfandinq platformasının operatorunun,” sözləri əlavə edilsin. 5

Maddə 9. “Lisenziyalar və icazələr haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2016, № 4, maddə 632 (Cild I); 2024, № 6 (I kitab), maddə 631, № 7, maddələr 747, 751, № 8, maddə 933; 2025, № 1, maddə 16, № 3, maddə 215, № 4 (I kitab), maddə 314, № 5, maddə 433, № 6, maddə 524, № 7, maddə 626, № 8, maddə 733; Azərbaycan Respublikasının 2026-cı il 26 may tarixli 413-VIIQD nömrəli Qanunu) 3.4-cü maddəsinə “Qiymətli kağızlar bazarı haqqında” sözlərindən sonra “, “Kraudfandinq haqqında” sözləri əlavə edilsin.

Maddə 10. “Nağdsız hesablaşmalar haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2016, № 12, maddə 2053 (Cild I); 2024, № 12 (II kitab), maddə 1347; 2025, № 1, maddə 6, № 5, maddə 440, № 8, maddə 743, № 10, maddə 895, № 12 (I kitab), maddə 1118; Azərbaycan Respublikasının 2026-cı il 26 may tarixli 413-VIIQD nömrəli Qanunu) 3.4.2-ci maddəsinə “Sığorta fəaliyyəti haqqında” sözlərindən sonra “, Kraudfandinq haqqında” sözləri əlavə edilsin.

Maddə 11. “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2023, № 1, maddə 37 (Cild I); 2025, № 5, maddə 432, № 7, maddələr 625, 626; Azərbaycan Respublikasının 2026-cı il 26 may tarixli 413-VIIQD nömrəli Qanunu) aşağıdakı dəyişikliklər edilsin: 11.1. 1.1.8-ci maddəyə “depozitar” sözündən sonra “, kraudfandinq platformalarının operatorları” sözləri əlavə edilsin; 11.2. 17-ci maddə üzrə: 11.2.1. 17.2.3-cü və 17.5-ci maddələrə “Qiymətli kağızlar bazarı haqqında” sözlərindən sonra “, Kraudfandinq haqqında” sözləri əlavə edilsin; 11.2.2. “Qeyd” hissəsinə “Qiymətli kağızlar bazarı haqqında” sözlərindən sonra “, “Kraudfandinq haqqında” sözləri əlavə edilsin.

Maddə 12. “Ödəniş xidmətləri və ödəniş sistemləri haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2023, № 8 (I kitab), maddə 1134 (Cild I); 2025, № 4 (I kitab), maddə 318, № 5, maddə 432) 3.2.7-ci maddəsinə “şəxslər” sözündən sonra “, kraudfandinq platformalarının operatorları” sözləri əlavə edilsin.

Maddə 13. Bu Qanun “Kraudfandinq haqqında” Azərbaycan Respublikasının 2026-cı il 14 iyul tarixli 450-VIIQ nömrəli Qanunu ilə eyni gündə qüvvəyə minir.