HƏMAS-ın iki yüksəkrütbəli yaraqlısı ZƏRƏRSZLŞDİRİLB 

İsrail Müdafiə Ordusu Qəzza zolağında HƏMAS-ın iki komandirini zərərsizləşdirib.  

Ajans.az xəbər verir ki, bu barədə ordunun mətbuat xidməti məlumat yayıb.

"Nuxba" bölməsinin komandiri Əbdülrəhman Mahir Əbdülkərim Ziyad Qəzza şəhərinin şimalındakı Şati bölgəsində endirilən zərbə nəticəsində zərərsizləşdirilib. Həmin gün Xan-Yunis ərazisinə endirilən digər zərbə nəticəsində isə bu bölgədə tunellərin inşası bölməsinin rəhbəri Kamal Məhəmməd Həmdan Nəccar öldürülüb", - bəyanatda dəqiqləşdirilir.

Ordunun iddiasına görə, Ə.Ziyad 2023-cü il oktyabrın 7-də HƏMAS-ın İsrailə qarşı silahlı hücumlarında iştirak edib:

"Bütün müharibə ərzində və xüsusilə son vaxtlar terrorçular Qəzza zolağında fəaliyyət göstərən İsrail Müdafiə Ordusu qüvvələrinə qarşı terror aktları həyata keçirmək planlarını reallaşdırmağa cəhd ediblər".