ABŞ İranla əlaqəli gəmini saxladı

ABŞ Hərbi Dəniz Qüvvələri Hind okeanında İranla əlaqəli olduğu bildirilən ticarət gəmisini saxlayıb.

Ajans.az xəbər verir ki, ABŞ Silahlı Qüvvələrinin Hind-Sakit okean Komandanlığının (INDOPACOM) yaydığı məlumata görə, əməliyyat cümə gününə keçən gecə həyata keçirilib.

Bildirilib ki, sanksiyalar altında olan “Davina” adlı gəmi Hind okeanında ABŞ hərbçiləri tərəfindən ələ keçirilərək yoxlanılıb. Komandanlığın paylaşdığı görüntülərdə Amerika dəniz piyadalarının üç helikopter vasitəsilə gəminin göyərtəsinə endiyi əks olunub.