Bu ölkədə ət reklamları QADAĞAN OLUNDU

Ajans.az BBC-ə istinadən xəbər verir ki, Hollandiya paytaxtı ictimai məkanlarda bu cür reklamları qadağan edən dünyada ilk şəhər olub. Mayın 1-dən etibarən şəhərdəki reklam lövhələrində, tramvay dayanacaqlarında və metro stansiyalarında hamburger, benzinlə işləyən avtomobillər və aviaşirkətlərin reklamları yerləşdirilmir.

Şəhər rəhbərliyi bildirir ki, bu addım Amsterdamın küçə mühitini yerli hökumətin ekoloji məqsədləri ilə uyğunlaşdırmağa yönəlib. Bu məqsədlərə 2050-ci ilə qədər karbon neytrallığına nail olmaq və eyni dövrdə şəhər sakinlərinin ət istehlakını iki dəfə azaltmaq daxildir.

Qeyd olunur ki, ət məhsulları şəhərin açıq hava reklam bazarında cüzi paya malik idi — ümumi reklam xərclərinin təxminən 0,1%-ni təşkil edirdi. Qazıntı yanacağı ilə bağlı məhsulların payı isə təxminən 4% olub.

Sənaye nümayəndələri qərarı tənqid ediblər. Hollandiya Ət Sənayesi Assosiasiyası bunu istehlakçı davranışına təsir göstərməyin arzuolunmaz üsulu adlandırıb. Hollandiya Səyahət Agentləri və Tur Operatorları Assosiasiyası isə hava səyahətlərini əhatə edən reklamların qadağan edilməsinin şirkətlərin kommersiya azadlığına qeyri-mütənasib məhdudiyyət olduğunu bildirib.