Bu ölkədə DƏHŞƏTLİ QƏZA: ÖLƏN VAR

İspaniyanın Kanar adalarında turist avtobusunun iştirakı ilə ağır yol-nəqliyyat hadisəsi baş verib.

Ajans.az xarici mediaya istinadən xəbər verir ki, qəza nəticəsində bir nəfər ölüb, 14 turist isə xəsarət alıb.

Hadisə La Gomera adasında, El Revolcadero ətraf mühit mərkəzinin yaxınlığında qeydə alınıb. Məlumata görə, xarici turistləri daşıyan şəxsi avtobus dönmə zamanı yoldan çıxaraq yamacdan aşağı aşıb.

Yaralılardan üç nəfər ağır vəziyyətdə xəstəxanaya yerləşdirilib.

İlkin ehtimallara əsasən, qəzaya nəqliyyat vasitəsində yaranmış texniki əyləc nasazlığı səbəb olub.