ABŞ ilə razılaşma bu şərtlə mümkündür

Vaşinqton Donald Trampın "birinci Amerika" siyasətinə əməl etməsi şərtilə İran və ABŞ arasında sülh danışıqları razılaşmaya gətirib çıxara bilər.

Ajans.az xəbər verir ki, bunu İranın birinci vitse-prezidenti Məhəmməd Rza Arif özünün "X" sosial media hesabında bildirib. 

Onun sözlərinə görə, ABŞ bu formatda öz milli maraqlarını izləsə, razılaşma mümkündür.

O vurğulayıb: "Danışıqlar "birinci İsrail" mövqeyindən aparılarsa, razılaşmadan söhbət gedə bilməz".

Arif habelə xəbərdarlıq edib ki, danışıqlar uğursuz olarsa və ABŞ və İsrail İrana qarşı müharibəni yenidən başlayarsa, "dünya daha ciddi nəticələrlə üzləşəcək".