Küveyt İran səfirini ikinci dəfə çağırdı

Küveyt Xarici İşlər Nazirliyi İran səfirini ikinci dəfə çağıraraq Küveyt ərazisinə davam edən ballistik raket və pilotsuz təyyarə hücumları, eləcə də Küveytin suverenliyi və hava məkanının pozulması ilə bağlı etiraz notası təqdim edib.

Ajans.az xəbər verir ki, bu barədə Küveyt Xarici İşlər Nazirliyi məlumat yayıb.

Xarici işlər nazirinin müavini Küveytin BMT Nizamnaməsinin 51-ci maddəsinə əsasən özünümüdafiə hüququnu bir daha diqqətə çatdırıb və İranı bütün düşmənçilik hərəkətlərini dərhal dayandırmağa çağırıb.