Aİ Belarusa qarşı sanksiyaları UZATDI

Avropa İttifaqı (Aİ) Belarusa tətbiq etdiyi sanksiyaların müddətini daha bir il uzadıb.

Ajans.az xəbər verir ki, bu barədə Kyastutis Budris “X” sosial şəbəkəsində paylaşım edib.

Budris vurğulayıb ki, Vilnüs Aİ-nin sanksiyaların uzadılması ilə bağlı birgə qərarını alqışlayır.

Aİ 2015-ci ildən etibarən insan hüquqlarının pozulması və Ukraynaya qarşı müharibədə Rusiyaya dəstək göstərilməsi səbəbilə Belarusa qarşı ardıcıl sanksiyalar tətbiq edir. Geniş iqtisadi və fərdi məhdudiyyətlər paketinə ölkə rəhbərliyinə yönəlik tədbirlər, eləcə də kalium, neft məhsulları və ağac idxalına qadağalar, bank sektorunda məhdudiyyətlər, texnologiya və ikili təyinatlı malların ixracına qoyulan qadağalar daxildir.